Пачынаецца рэгістрацыя на цэнтралізаванае тэставанне 2017 г.

02.05.2017

Згодна з Правіламі прыёму, рэгістрацыя абітурыентаў для ўдзелу ў цэнтралізаваным тэставанні праводзіцца з 2 мая па 1 чэрвеня.

Час работы пунктаў рэгістрацыі - з 9.00 да 19.00 (у суботнія дні 13 і 27 мая - з 9.00 да 18.00).

Інфармацыя аб пунктах рэгістрацыі (адрасы, тэлефоны) у бліжэйшы час будзе размешчана на сайце РІКВ у раздзеле «Пункты рэгістрацыі» (http://rikc.by/cctesting/334-perechen-punktov-registracii.html).

Пры рэгістрацыі абітурыент падае заяву на свой выбар на адной з дзяржаўных моў Рэспублікі Беларусь (запаўняецца ў пункце рэгістрацыі сумесна з работнікам пункта рэгістрацыі).

Абітурыент прад'яўляе дакумент, які сведчыць асобу (пашпарт, від на жыхарства, пасведчанне бежанца), або даведку, якая выдаецца ў выпадку страты (крадзяжу) дакумента, які сведчыць асобу.
Пасля падачы заявы абітурыент атрымлівае ў работніка пункта рэгістрацыі асабісты рахунак і ажыццяўляе аплату за прыём і афармленне дакументаў для ўдзелу ў цэнтралізаваным тэсціраванні (інструкцыя па аплаце прыведзена ніжэй).

У адпаведнасці з п. 1.2 Пастановы Савета Міністраў Рэспублікі Беларусь ад 16.04.2008 г. № 565 "Аб спагнанні платы за прыём і афармленне дакументаў для ўдзелу абітурыентаў у цэнтралізаваным тэставанні і ўнясенні змяненняў у некаторыя пастановы Савета Міністраў Рэспублікі Беларусь" (далей - Пастанова), аплата за прыём і афармленне дакументаў для ўдзелу абітурыентаў у цэнтралізаваным тэставанні робіцца з дапамогай аўтаматызаванай інфармацыйнай сістэмы адзінай разліковай і інфармацыйнай прасторы на бягучы (разліковы) рахунак па ўліку пазабюджэтных сродкаў установы адукацыі "Рэспубліканскі інстытут кантролю ведаў" (далей - РІКВ) у памеры 0,1 базавай велічыні (2 руб. 30 кап.) за адзін навучальны прадмет.

Пасля заканчэння рэгістрацыі і пацвярджэння факта аплаты за прыём і афармленне дакументаў для ўдзелу ў цэнтралізаваным тэставанні абітурыент атрымлівае пропуск.

Пропуск для ўдзелу ў цэнтралізаваным тэставанні лічыцца зарэгістраваным, калі на ім маецца пячатка ўстановы, вызначанай пунктам рэгістрацыі на ЦТ, подпіс упаўнаважанага прадстаўніка пункта рэгістрацыі і рэгістрацыйны нумар.

Плата за прыём і афармленне дакументаў для ўдзелу абітурыентаў у цэнтралізаваным тэставанні не спаганяецца з асобных катэгорый абітурыентаў.

Абітурыенты, з якіх не спаганяецца плата за прыём і афармленне дакументаў для ўдзелу ў цэнтралізаваным тэставанні, пры падачы заявы прадстаўляюць дакументы, якія пацвярджаюць права на ільготу.

У выпадку немагчымасці прыбыцця абітурыента ў пункт рэгістрацыі з паважлівых чыннікаў (захворванне, удзел у міжнародных конкурсах і спаборніцтвах, службовая камандзіроўка ці іншыя не залежныя ад абітурыента абставіны, пацверджаныя дакументальна), дакументы на рэгістрацыю для ўдзелу ў цэнтралізаваным тэставанні падаюць законныя прадстаўнікі непаўналетніх абітурыентаў (пры прад'яўленні дакументаў, якія сведчаць асобу і пацвярджаюць статус законнага прадстаўніка, а таксама дакумента, якi сведчыць асобу абітурыента, заверанага натарыяльна) або прадстаўнікі абітурыентаў, якія дзейнічаюць на падставе даверанасці, засведчанай натарыяльна, або ўпаўнаважанай службовай асобай (пры прад'яўленні дакументаў, якія сведчаць асобу, а таксама копіі дакумента, які сведчыць асобу абітурыента, заверанай натарыяльна).

Тэрміны рэгістрацыі абітурыентаў для праходжання цэнтралізаванага тэставання ў рэзервовыя дні - з 30 чэрвеня па 3 ліпеня 2017 г.

Пункты рэгістрацыі для праходжання цэнтралізаванага тэставання ў рэзервовыя дні: Беларускі дзяржаўны ўніверсітэт, ДУВПА "Беларуска-Расійскі ўніверсітэт", УА "Брэсцкі дзяржаўны тэхнічны ўніверсітэт", УА "Гродзенскі дзяржаўны ўніверсітэт імя Я. Купалы", УА "Віцебскі дзяржаўны тэхналагічны ўніверсітэт", УА "Гомельскі дзяржаўны тэхнічны універсітэт імя П.В. Сухога".

Паводле матэрыялаў сайта РІКВ http://rikc.by