ABITURIENT.BY

Кафедра «Прамысловая электроніка» створана ў студзені 1987 г.

За перыяд з 1987 па 2021 г.г. кафедрай падрыхтавана спецыялістаў – 3194, з іх па дзённай форме навучання –1769; па завочнай форме навучання – 1425. Скончылі навучанне з адзнакай –124 чалавекі.

Кафедра размешчана ў навучальным корпусе № 2 (5-ы паверх), займае памяшканні агульнай плошчай 1044 кв.м, з якіх 828 кв.м — навучальныя памяшканні: 14 лабараторый, 2 камп’ютарных класы, 2 лекцыйных аўдыторыі. Акрамя таго, 5 пакояў выкарыстоўваюцца для заняткаў навукова-даследчай работай супрацоўнікамі і аспірантамі кафедры, 1 пакой — выкладчыцкая, 2 — кабінеты, 1 — майстэрня, 2 пакоі выкарыстоўваецца для захоўвання камплектацыі і абсталявання.

Кафедра першай у Беларусі пачала падрыхтоўку па спецыяльнасці вышэйшай адукацыі «Прамысловая электроніка» (1987 г.), бярэ ўдзел у распрацоўцы дзейснага дзяржаўнага адукацыйнага стандарту, тыпавога навучальнага плану і тыпавых навучальных праграм па дысцыплінах спецыяльнасці.

Кафедра мае трывалыя дачыненні з Аб'яднаным інстытутам ядзерных даследаванняў (АІЯД, г. Дубна, 28 краін-удзельніц). З дапамогай спецыялістаў кафедры "Прамысловая электроніка" Гомельскага дзяржаўнага тэхнічнага ўніверсітэта імя П.В. Сухога праводзяцца распрацоўкі ў наступных накірунках:

1) Мадэляванне, аптымізацыя і распрацоўка сістэмы стахастычнага астуджэння пучка часціц "pick-up/kicker" для Нуклатрона і праекта Калайдэра NICA;
2) Распрацоўка выпрабавальнага стэнда для вымярэнняў на элементах Нуклатрона pick-up і kicker;
3) Распрацоўка шырокапалоснага ўзмацняльніка магутнасці на дыяпазон 2-4 ГГц з заданымі фазавымі і амплітуднымі ўласцівасцямі для сістэмы стахастычнага астуджэння праекта Калайдэра NICA.
Маецца папярэдняя дамоўленасць пра праходжанне практык студэнтаў спецыяльнасці "Прамысловая электроніка" ў АІЯД і еўрапейскіх навукова-даследчых установах-партнёрах АІЯД.

У наш час усе выпускнікі размяркоўваюцца на прамысловыя прадпрыемствы і ў арганізацыі, якія займаюцца распрацоўкай або абслугоўваннем радыёэлектроннай апаратуры, сістэм тэхналагічнай аўтаматыкі.

Сярод выпускнікоў кафедры:

- Козік Андрэй Мікалаевіч, к.т.н., у 2008-2018 г.г. - першы намеснік генеральнага дырэктара-галоўны інжынер ААТ «Гомельтранснафта  Дружба»;

- Крышнёў Юрый Віктаравіч, к.т.н., дацэнт, заг. кафедры «Прамысловая электроніка» ГДТУ імя П.В. Сухога;

- Залізны Дзмітрый Іванавіч, к.т.н., дацэнт кафедры «Электразабеспячэнне» ГДТУ імя П.В. Сухога;

- Кутоўскі Мікалай Аляксандравіч, к.ф.-м.н., навуковы супрацоўнік Лабараторыі інфармацыйных тэхналогій Аб'яднанага інстытута ядзерных даследаванняў, г. Дубна, Расійская Федэрацыя;

- Шыловіч Аляксандр Яўгенавіч, намеснік генеральнага дырэктара па развіццю сервіснай сеткі  ААТ «Гомельагракамплект»;

- Берлін Аляксандр Валянцінавіч, кіраўнік тэхнічнага ўпраўлення ДВА «Беларуснафта»;

- Талуць Ігар Станіслававіч, дырэктар ТДА «Новыя тэхналогіі»;

- Харкуноў Алег Паўлавіч, дырэктар ПП «IP-сэрвіс»;

- Шлыкаў Андрэй Эдуардавіч, дырэктар ПГУП «Ліберці Трэйдзінг»;

- Саковіч Аляксей Уладзіміравіч, дырэктар ТДА «Политех»;

- Растокін Арцём Валер'евіч, у 2010-2023 г.г. -  дырэктар ТАА «Музгандльсервис».

Агульны напрамак навуковых даследаванняў на кафедры — стварэнне і ўдасканаленне сістэм малой аўтаматызацыі, інфармацыйна-вымяральных, кантролерных, дыягнастычных, даведачна-інфармацыйных сістэм, сістэм тэлеметрыі і кантролю аб'ектаў і працэсаў.

Канкрэтныя напрамкі:

- распрацоўка вымяральных першасных і другасных пераўтваральнікаў для розных галін прамысловасці (выдаткаметрыя, вымярэнні тэмпературы, узроўню, вагі, і  т.п.);

- распрацоўка сістэм кіравання, збору і захавання інфармацыі пра работу тэхналагічных вузлоў стацыянарнага і мабільнага абсталявання з магчымасцю вызначэння месцазнаходжання кантраляванага аб'екта сродкамі GPS;

- распрацоўка і эксперыментальнае абгрунтаванне метаду і сродкаў дыягнаставання парушэнняў цэласнасці ізаляцыі нафтаправода, метадаў кіравання і аўтаматызаваных прылад для тэхналагічнага абсталявання нафтаправода;

- распрацоўка сістэм дыстанцыйнага маніторынгу параметраў аб’ектаў, сістэм тэлемеханікі і тэлевымярэнняў;

- распрацоўка бескантактавых вымяральнікаў пастаянных токаў уцечкі для чыгуначнага і электратранспарту;

- распрацоўка рэкамендацый па падвышэнні надзейнасці работы электронных і электрамеханічных вузлоў, найболей часта схільных да збояў у станочном абсталяванні і абсталяванні мабільнай адмысловай тэхнікі (грэйдары, пескасолеразмеркавальнікі, аўтавышкі, кранавае абсталяванне, лесвіцы МНС і т.п.);

- распрацоўка пераўтваральных прылад сілавой электронікі;

- распрацоўка прылад абароны сілавой часткі пераўтваральнікаў ад сеткавых перанапружанняў рознай прыроды;

- распрацоўка элементаў фазаваных антэнных рашотак;

- распрацоўка памехаабароненых вымяральных і кіравальных прылад у сейсмічнай выведцы і тэхніцы сувязі;

- распрацоўка інфармацыйных дысплеяў (у т.л. з дыстанцыйным кіраваннем) для культурна-масавых, грамадскіх аб'ектаў, вытворчых памяшканняў;

- распрацоўка сістэм гідраметэаралагічнага і экалагічнага маніторынгу;

- распрацоўка сістэм стахастычнага астуджэння пучкоў іёнаў для паскаральнікаў іёнаў (калайдэраў); 

- стварэнне Web-сайтаў для прадпрыемстваў і арганізацый па іх прамых замовах.

З 2009 г. на кафедры працуе студэнцкая навукова-даследчая лабараторыя "Вылічальныя метады і сродкі ў задачах кіравання і аўтаматызацыі", з 2014 г. - студэнцкая павучальна-даследчая лабараторыя "Радыёаматар". Штогод новыя студэнты спецыяльнасці пачынаюць наведваць лабараторыі, і пад кіраўніцтвам выкладчыкаў і старэйшых студэнтаў далучаюцца да рашэння навукова-тэхнічных задач.

Штогод на кафедры праводзіцца адкрытая алімпіяда па радыёэлектроніцы сярод патэнцыяльных абітурыентаў кафедры, па выніках якой пераможцам уручаюцца прызы.

Кафедрой осуществляется подготовка специалистов по специальностям общего высшего образования:

• 6-05-0713-02 «Электронные системы и технологии» (формы обучения – дневная, заочная, заочная сокращенная; квалификация – «инженер»);
•  6-05-0612-03 «Системы управления информацией» (форма обучения – дневная; квалификация – «инженер»);

Подготовка по специальности углубленного высшего образования (магистратуры)

7-06-0713-02 «Электронные системы и технологии» (степень – магистр технических наук, форма обучения – дневная);

Подготовка по специальностям аспирантуры:

• 05.09.03 «Электротехнические комплексы и системы»;
• 05.13.05 «Элементы и устройства вычислительной техники и систем управления