Фізіка-матэматычны факультэт - адзін з найстарэйшых факультэтаў Беларускага дзяржаўнага педагагічнага ўніверсітэта імя М.Танка.

У 1947 г. адбыўся першы прыём студэнтаў на спецыяльнасці «Фізіка», «Матэматыка».

Сёння залічэнне абітурыентаў ажыццяўляецца па дзвюх спецыяльнасцях:

1-02 05 01 Матэматыка і інфарматыка, 

1-02 05 02 Фізіка і інфарматыка.

Навучальны працэс ажыццяўляецца на 4-х кафедрах:

- Матэматыка і методыка выкладання матэматыкі

- Інфарматыка і методыка навучання інфарматыцы

- Фізіка і методыка выкладання фізікі

- Інфармацыйныя тэхналогіі ў адукацыі 

На факультэце працуюць навукова-адукацыйныя цэнтры:

- Рэспубліканскі рэсурсны цэнтр па вучэбнай робататэхніцы

- Віртуальны рэсурсны адукацыйны цэнтр

- Планетарый

- Лабараторыя лічбавага мадэлявання фізічных працэсаў

На базе факультэта праводзіцца штогадовая Міжнародная навукова-практычная канферэнцыя "Фізіка-матэматычная адукацыя: мэты, дасягненні і перспектывы". Канферэнцыя прысвечана актуальным праблемам фізікі, матэматыкі і інфарматыкі, праблемам выкладання фізікі, матэматыкі і інфарматыкі ў школе і ўніверсітэце. Разглядаюцца пытанні зместу, якасці ведаў, арганізацыі навукова-даследчай і самастойнай работы, выкарыстання інфармацыйных тэхналогій у навучанні фізцы, матэматыцы, інфарматыцы і методыцы выкладання гэтых навук.

Факультэт прымаў ўдзел у праекце Erasmus + "Умацаванне патэнцыялу ў сферы вышэйшай адукацыі" "Інавацыйная ІКТ-адукацыя для сацыяльна-эканамічнага развіцця".

Асноўная мэта праекта - павышэнне канкурэнтаздольнасці ВНУ-партнёраў Беларусі, якія прапануюць якасную вышэйшую адукацыю, якая адпавядае зменлівым патрэбнасцям эканамічнага асяроддзя; садзейнічанне павышэнню кампетэнцый спецыялістаў у сферы ІТ і паляпшэнню якасці вышэйшай адукацыі, што адпавядае зменлівым патрабаванням эканомікі Рэспублікі Беларусь і Балонскага працэсу.

На факультэце вядзецца навучанне па магістарскай адукацыйнай праграме па спецыяльнасці 1-08 80 02 "Тэорыя і методыка навучання і выхавання (па галінах і ўзроўнях адукацыі)”. Прафілізацыя: Адукацыйная робататэхніка.