Архітэктурны факультэт - вядучая архітэктурная школа Рэспублікі Беларусь, якая ажыццяўляе падрыхтоўку спецыялістаў па архітэктуры і архітэктурным дизайне. Увесь навучальны, метадычны і кадравы патэнцыял факультэта арыентаваны на падрыхтоўку высокакваліфікаванага спецыяліста, здольнага вырашаць творчыя, пазнавальныя, даследчыя і практычныя задачы архітэктуры.

За перыяд існавання архітэктурнага факультэта падрыхтавана больш за 4000 архітэктараў, у тым ліку каля 600 - для замежных краін. Выпускнікі архітэктурнага факультэта БНТУ займаюць вядучыя пасады ў розных праектных і навукова-даследчых арганізацыях, органах дзяржаўнага кіравання архітэктурнай і горадабудаўнічай дзейнасці.

Структура архітэктурнага факультэта прадстаўлена шасцю кафедрамі:

«Архітэктура жылых і грамадскіх будынкаў», «Горадабудаўніцтва», «Архітэктура вытворчых аб'ектаў і архітэктурныя канструкцыі», «Дызайн архітэктурнага асяроддзя», «Тэорыя і гісторыя архітэктуры», «Малюнак, жывапіс і скульптура».

З іх - першыя чатыры кафедры з'яўляюцца выпускаючымі, апошнія дзве - забяспечваюць агульную базавую падрыхтоўку.

www.bntu.by/af