Гісторыя факультэта

 Сёння з поўным правам можна назваць факультэт сацыяльна-педагагічных тэхналогій «першапраходцамі» ў станаўленні і развіцці сацыяльнай педагогікі і сацыяльнай работы як навукі, практыкі і адукацыйнага комплексу. У адпаведнасці з рашэннем Вучонага Савета Мінскага дзяржаўнага педагагічнага інстытута імя А.М.Горкага з 1 верасня 1991 г. упершыню ў краіне была пачата падрыхтоўка студэнтаў па спецыяльнасці «Сацыяльны педагог са спецыялізацыяй практычны псіхолаг для ўстаноў народнай адукацыі, настаўнік замежнай мовы».

У 1993 годзе быў утвораны спецыяльны факультэт сацыяльнай педагогікі і практычнай псіхалогіі, ператвораны ў чэрвені 2003 года ў факультэт сацыяльна-педагагічных тэхналогій. Першыя гады падрыхтоўкі спецыялістаў новага профілю сталі часам прафесійнага станаўлення факультэта. У тыя гады мала хто ўяўляў сабе, што такое сацыяльная педагогіка і чым будзе займацца практычны псіхолаг у школе, а сацыяльны работнік ніяк не асацыяваўся са спецыялістам вышэйшага класа з універсітэцкім дыпломам. Не было ні навучальных планаў, ні праграм, не была вызначана прафесійная ніша спецыяліста гэтай сферы. Пошук аптымальных форм падрыхтоўкі, наватарскія рашэнні, вывучэнне вопыту замежных калег, штотыднёвы зварот да практыкі вызначылі прафесійнае поле дзейнасці новых спецыялістаў. Вынікам напружанай і карпатлівай працы выкладчыкаў факультэта стала стварэнне першых адукацыйных стандартаў і адкрыццё чатырох спецыяльнасцяў:

«Сацыяльная педагогіка. Замежная мова»,

«Практычная псіхалогія. Замежная мова»,

«Сацыяльная педагогіка. Практычная псіхалогія »,

«Сацыяльная работа».

 За мінулае дзесяцігоддзе былі распрацаваны і ўкаранёны ў працэс навучання праграмы больш чым па 50 дысцыплінах. У навучальны працэс ўвайшлі новыя формы навучання: абарона стэндавых дакладаў і сацыяльных праектаў, міні-канферэнцыі па актуальных праблемах, напісанне творчых эсэ, дзелавыя гульні і трэнінгі, майстар-класы, выкарыстанне інфармацыйных тэхналогій і мультымедыйных прэзентацый.

 З 2016г. на факультэце рыхтуюць спецыялістаў па наступных спецыяльнасцях:

дзённая форма атрымання адукацыі:

1-03 04 01 - Сацыяльная педагогіка (4 гады)

1-03 04 04 - Сацыяльная і псіхолага-педагагічная дапамога (4 гада)

1-86 01 01-01 - Сацыяльная работа (сацыяльна-педагагічная дзейнасць) (4 гады)

завочная форма атрымання адукацыі:

1-03 04 01 - Сацыяльная педагогіка (5 гадоў)

1-03 04 04 - Сацыяльная і псіхолага-педагагічная дапамога (5 гадоў)

1-86 01 01-01 - Сацыяльная работа (сацыяльна-педагагічная дзейнасць) (5 гадоў)