Гісторыя факультэта псіхалогіі

 У 1994 годзе ў Беларускім дзяржаўным педагагічным універсітэце быў адкрыты факультэт прыкладной псіхалогіі. Падставай для адкрыцця факультэта з'явілася пісьмо Міністэрства адукацыі ад 18 Красавіка 1994 № 04/06 /129 «Аб падрыхтоўцы на камерцыйнай аснове спецыялістаў народнай культуры і прыкладной псіхалогіі» і загад рэктара універсітэта ад 23 мая 1994 года № 25 «Аб стварэнні камерцыйных факультэтаў народнай культуры і прыкладной псіхалогіі ».

  Стварэнне першага псіхалагічнага факультэта з'явілася значнай падзеяй у гісторыі вышэйшай адукацыі Рэспублікі Беларусь. З'яўленне факультэта было падрыхтавана логікай развіцця акадэмічнай і практычнай псіхалогіі ў СССР і адпавядала патрэбам сацыяльнага і псіхалагічнага жыцця Рэспублікі.

  Да сярэдзіны 90-ых гадоў у ВНУ Беларусі выкладаліся акадэмічныя псіхалагічныя дысцыпліны: агульная, узроставая, педагагічная і сацыяльная псіхалогія. У той жа час ўзросшая псіхалагічная культура насельніцтва, рэфармуючыяся ўстановы адукацыі, бацькі, дзеці, сем'і, развіваючаяся прадпрымальніцтва патрабавалі развіцця сістэмы прафесійных псіхалагічных паслуг, прафесійнага псіхалагічнага суправаджэння, прафесійнай псіхалагічнай дапамогі ў вырашэнні узнікаючых праблем.

  На факультэце прыкладной псіхалогіі пачалася падрыхтоўка прафесійных псіхолагаў па чатырох спецыялізацыях: педагагічная псіхалогія, сацыяльная псіхалогія, псіхалогія сямейных адносін, псіхалогія прадпрымальніцкай дзейнасці, адкрыта аспірантура.

 Былі адкрыты чатыры навучальныя лабараторыі: клінічнай псіхалогіі і псіхалагічнага кансультавання, эксперыментальнай псіхалогіі, псіхалогіі адукацыі, псіхалогіі і псіхатэрапіі сям'і. Дзве лабараторыі - псіхалогіі адукацыі, псіхалогіі і псіхатэрапіі сям'і, захаваўшы традыцыйныя навукова-метадычныя сувязі з факультэтам, набылі статус агульнаўніверсітэцкіх.

  Праз 5 гадоў пасля адкрыцця, факультэту стала цесна ў практычнай накіраванасці сваёй вучэбнай, метадычнай і навуковай дзейнасці. Менавіта ў рамках факультэта адбывалася падрыхтоўка педагагічных і навуковых кадраў вышэйшай кваліфікацыі для ВНУ, навукова-даследчых устаноў краіны, што і абумовіла яго перайменаванне ў факультэт псіхалогіі 2 сакавіка 2001. Спалучэнне фундаментальнай акадэмічнай падрыхтоўкі студэнтаў і практыкаарыентаванай спецыялізацыі - канцэптуальная аснова арганізацыі вучэбнай, метадычнай, навуковай, ідэйна-выхаваўчай работы факультэта псіхолагі. На працягу ўсяго перыяду функцыянавання факультэта адбываўся працэс прафесіяналізацыі навукова-педагагічных кадраў, што дазваляла адкрываць новыя спецыялізаваныя кафедры:

 Кафедра «Клінічнай псіхалогіі»;

 Кафедра «Прыкладной псіхалогіі»;

 Кафедра «Сацыяльнай псіхалогіі»;

 Кафедра «Агульнай і педагагічнай псіхалогіі»;

 Кафедра «Метадалогіі і метадаў псіхалагічных даследаванняў».

 Прафесарска-выкладчыцкі склад факультэта ўяўляюць вядомыя навукоўцы, сярод іх - 8 дактароў псіхалагічных навук, прафесараў, 16 кандыдатаў навук, дацэнтаў.

 На факультэце псіхалогіі створаны метадалагічны семінар «на Скарыны, 15», які аб'яднаў спецыялістаў з розных краін і гарадоў, прадстаўнікоў розных навуковых накірункаў. Традыцыйным стала правядзенне штогадовай міжнароднай канферэнцыі «Псіхалогія і жыццё», міжнароднай студэнцкай навукова-практычнай канферэнцыі «Тэарэтычныя і прыкладныя праблемы сучаснай псіхалогіі» і алімпіяды па псіхалогіі. Арганізавана супрацоўніцтва з Маскоўскім дзяржаўным універсітэтам ім. М.В. Ламаносава, Пскоўскім дзяржаўным універсітэтам, фларэнтыйскім універсітэтам (Італія).

 З'явілася студэнцкае навуковае таварыства «Інсайт», студэнцкія навукова-даследчыя лабараторыі і каманда КВЗ ФП. Дэвіз «Спазнаць. Зразумець. Пераадолець.» стаў жыццёвым арыенцірам для выкладчыкаў і студэнтаў факультэта. На факультэце існуе Савет для маладых навукоўцаў, які аказвае падтрымку маладым даследчыкам у ажыццяўленні першых крокаў па напісанні магістарскіх і кандыдацкіх дысертацый.

 У цяперашні час на факультэце ажыццяўляецца падрыхтоўка спецыялістаў-псіхолагаў па дзвюх спецыяльнасцях:

1- 23 01 04 - «Псіхалогія»

Спецыялiзацыi:

1- 23 01 04 04 - «Педагагічная псіхалогія»,

1- 23 01 04 02 - «Сацыяльная псіхалогія»,

1- 23 01 04 06 - «Псіхалогія сямейных адносін»

1- 23 01 04 10 - «Псіхалогія прадпрымальніцкай дзейнасці»;

1- 03 04 03 - «Практычная псіхалогія».

На факультэце таксама вядзецца падрыхтоўка магістрантаў, аспірантаў і дактарантаў.