ФММП - надзейны аплот эканамічнай, кіраўніцкай і інжынернай адукацыі РБ для айчынных і замежных студэнтаў. Наперадзе ў Вас годная аплата працы, высокае становішча ў грамадстве і міжнародная дзейнасць.У жніўні 1994 загадам рэктара БНТУ (тады БДПА), з дазволу міністэрства адукацыі Рэспублікі Беларусь, для забеспячэння народнай гаспадаркі нашай краіны спецыялістамі эканамічнага і кіраўніцкага профілю з тэхнічным ухілам быў створаны факультэт маркетынгу, мэнеджменту, прадпрымальніцтва ФММП. Улічваючы міжнародныя патрабаванні рынка працы ФММП першым у нашай краіне адкрыў такія перспектыўныя і ўжо класічныя спецыяльнасці, якія дазваляюць, на працягу 20 гадоў, выпускаць спецыялістаў па наступных напрамках: 

1-25 01 07 «Эканоміка і кіраванне на прадпрыемстве», тэрмін навучання 4 гады; 

1-26 02 03 «Маркетынг», тэрмін навучання 4 гады; 

1-26 02 01 «Бізнес-адміністраванне», тэрмін навучання 4 гады; 

1-25 01 03 «Сусветная эканоміка», тэрмін навучання 5 гадоў.

 Сёння адным з вядучых фактараў росту эканомікі становіцца выкарыстанне найноўшых вытворчых і IT-тэхналогій ва ўсіх сферах народнай гаспадаркі і разам з тым - падрыхтоўка новых спецыялістаў, здольных рэалізоўваць апераджальныя інавацыйныя праекты. Яны запатрабаваныя практычна ва ўсіх сферах: прамысловасці, транспарце, будаўніцтве, фінансавым сектары. ФММП, улічваючы гэтыя тэндэнцыі, у 2013 адкрыў набор на дзве новыя спецыяльнасці: 

1-27 03 01 «Кіраванне інавацыйнымі праектамі прамысловых прадпрыемстваў», тэрмін навучання 5 гадоў; 

1-27 03 02 «Кіраванне дызайн-праектамі на прамысловым прадпрыемстве», тэрмін навучання 5 гадоў.

  Дадзеныя спецыяльнасці з'яўляюцца вынікам развіцця спецыяльнасці «Сусветная эканоміка» і увабралі ў сябе лепшыя асаблівасці падрыхтоўкі па іншых інжынерна-эканамічных спецыяльнасцях. Праграма навучання дадзеных спецыяльнасцяў арыентавана на актуальныя патрабаванні заўтрашняга дня і бачання будучыні ладу эканомікі і грамадства 21 стагоддзя. Гэта эксперты з фундаментальнай інжынернай, эканамічнай, моўнай і IT-падрыхтоўкай, здольныя аналізаваць, даваць рэкамендацыі ў галіне арганізацыі вытворчасці, прамысловага дызайну, кіравання, фінансавай сферы. Іх задача - камерцыялізацыя навуковых адкрыццяў, ўкараненне новых распрацовак і арыгінальных рашэнняў у прамысловай сферы і бізнэсе. З 2005 года факультэт пачаў падрыхтоўку па спецыяльнасці

1-36 20 03 «Гандлёвае абсталяванне і тэхналогіі», тэрмін навучання 4,5 года.

Адкрыццё дадзенай спецыяльнасці было звязана з тым, што сфера гандлю Рэспублікі Беларусь на сённяшні дзень адчувае дэфіцыт у спецыялістах па праектаванні і эксплуатацыі гандлёвага абсталявання, а сучаснае гандлёвае прадпрыемства, склад, лагістычны цэнтр - уяўляюць сабой высокатэхналагічны комплекс, на якім ўкаранёны найноўшыя дасягненні ў галіне інфармацыйных тэхналогій, мехатронікі і халадзільнай тэхнікі.У мэтах павышэння якасці падрыхтоўкі будучых спецыялістаў ФММП дынамічна ўдасканальвае матэрыяльную базу - у працэс навучання рэгулярна ўкараняюцца найноўшыя IT і тэлекамунікацыйныя тэхналогіі, адкрываюцца лабараторыі, дызайн-студыі. Для павышэння эфектыўнасці моўнай падрыхтоўкі створаны і актыўна працуюць аўдыё- і відэа-кабінеты, а таксама студыі для прэзентацый. У навучальным працэсе задзейнічаны найбольш вопытныя і кваліфікаваныя выкладчыкі, нярэдка для правядзення лекцый прыцягваюцца выкладчыкі з ВНУ Расійскай Федэрацыі, краін Балтыі і Ізраіля, а таксама прадстаўнікі найбольш эфектыўных прадпрыемстваў Рэспублікі Беларусь. Для паскарэння ўкаранення ў навучальны працэс перспектыўных рынкавых распрацовак факультэт стварыў філіялы кафедраў на найбуйнейшых прадпрыемствах, а студэнты, у працэсе навучання, маюць магчымасць праходзіць практыкі ў іх падраздзяленнях. Для абітурыентаў ФММП ў 2014 годзе адкрыў школы маркетынгу, бізнесу, гандлёвай інжынерыі, дызайну, эканомікі і інавацый, якія дапамогуць зрабіць правільны выбар спецыяльнасці. У падрыхтоўцы нашых студэнтаў Мы адпавядаем лепшым сусветным універсітэтам эканамічнага профілю: Сарбона (Францыя), Оксфард (Англія), Гарвард (ЗША). Па інавацыйных праектах мы арыентуемся на міжнародную асацыяцыю кіравання праектамі (IPMA).

www.bntu.by/fmmp