Факультэт традыцыйнай беларускай культуры і сучаснага мастацтва створаны ў 2003 годзе і з’яўляецца ўнікальным адукацыйным, навукова-даследчым і творчым цэнтрам, які здзяйсняе падрыхтоўку спецыялістаў па найбольш перспектыўных і запатрабаваных напрамках у галіне культуры і мастацтва. Асноўная мэта дзейнасці факультэта традыцыйнай беларускай культуры і сучаснага мастацтва – вывучэнне і захаванне традыцыйнай беларускай культуры, а таксама спрыянне развіццю інавацыйных форм і жанраў сучаснага мастацтва. Традыцыйна высокі конкурс на спецыяльнасці факультэта дазваляе адбіраць найбольш таленавітую і творчую моладзь, рыхтаваць яе для далейшай працы ў галіне культуры і адукацыі.

Якасць падрыхтоўкі спецыялістаў забяспечвае высакоквалівікаваны прафесарска-выкладчыцкі склад факультэта. Сярод яго выкладчыкаў – дактары і кандыдаты навук, прафесары і дацэнты, Народныя артысты і Заслужаныя дзеячы культуры Рэспублікі Беларусь.

На кафедрах факультэта створаны шырокія магчымасці для практычнай рэалізацыі творчых задум студэнтаў і апрабацыі іх на лепшых сцэнічных пляцоўках г. Мінска: Рэспубліканскі тэатр Беларускай драматургіі, Тэатра юнага гледача, Новы драматычны тэатр, Белдзяржфілармонія, Палац Рэспублікі, Нацыянальная Белтэлерадыёкампанія, мастацкая галерэя “Універсітэт культуры” і інш.

Творчыя калектывы і студэнты факультэта з’яўляюцца ўдзельнікамі і пераможцамі прэстыжных міжнародных і рэспубліканскіх мерапрыемстваў: Рэспубліканскі конкурс маладых талентаў “Зорка ўзышла над Беларуссю”, Міжнародны тэатральны фестываль студэнцкіх тэатраў “Тэатральны куфар”, Міжнародны фестываль сучаснай харэаграфіі ў Віцебску, Міжнародны фестываль “Сожскі карагод”, Міжнародны фестываль мастацтваў “Славянскі базар”, канцэрты майстроў мастацтваў, прысвечаныя Дню яднання Беларусі і Расіі (Масква) і інш.

Больш за 60 выпускнікоў і студэнтаў факультэта з’яўляюцца лаўрэатамі і стыпендыятамі спецыяльнага фонду Прэзідэнта Рэспублікі Беларусь па падтрымцы таленавітай моладзі.

Вынікі працаўладкавання выпускнікоў факультэта традыцыйнай беларускай культуры і сучаснага мастацтва сведчаць аб вялікім попыце на спецыялістаў, якіх рыхтуе факультэт. Выпускнікі факультэта працуюць ў аматарскіх і прафесійных тэатрах, Нацыянальнай Белтэлерадыёкампаніі, кінастудыі “Беларусьфільм”, Дамах і Палацах культуры, Цэнтрах народнай творчасці, каледжах культуры і мастацваў, мастацкіх галерэях, кіруюць узорнымі і народнымі танцавальнымі калектывамі і інш.

У структуру факультэта ўваходзяць пяць кафедраў: кафедра харэаграфіі, кафедра рэжысуры абрадаў і свят, кафедра тэатральнай творчасці, кафедра этналогіі і фальклору, кафедра народнага дэкаратыўна-прыкладнога мастацтва.