kaf_bel [at] grsu [dot] by
Кафедра беларускай філалогіі была створана ў 2017 годзе ў выніку аб’яднання дзвюх кафедр – беларускага і супастаўляльнага мовазнаўства і беларускай літаратуры.
Асноўныя дысцыпліны, якія прапануюцца студэнтам спецыяльнасці “Беларуская філалогія”: “Сучасная беларуская мова”, “Гісторыя беларускай літаратурнай мовы”, “Беларуская дыялекталогія”, “Стылістыка і культура маўлення”, “Гісторыя беларускай літаратуры”, “Беларуская літаратура”, “Беларуская літаратура ХХ – пач. ХХІ стст.”.
Для чытання вышэйназваных курсаў запрашаюцца прафесары з вядучых ВНУ краіны і з замежжа.
Кафедра актыўна супрацоўнічае з установамі адукацыі г. Гродна і Гродзенскай вобласці. З мэтай аказання метадычнай дапамогі настаўнікам агульнаадукацыйных школ праводзіцца практыка-арыентаваны семінар “Навукова-даследчая праца ў школе на сучасным этапе”. Штогод праводзіцца конкурс прац школьнікаў “ І толькі слова ў вяках жыве…”
Кафедра праводзіць курсы па падрыхтоўцы да этапаў алімпіяды па беларускай мове і літаратуры “Да алімпійскіх вяршыняў”, а таксама кансультацыі для настаўнікаў “Юныя навукоўцы”. Штогод працуе “Школа юнага філолага”, якая рыхтуе абітурыентаў для паступлення на спецыяльнасць “Беларуская філалогія”.
Кафедра ажыццяўляе грунтоўную падрыхтоўку спецыялістаў-філолагаў; таксама членамі кафедры выкладаюцца дысцыпліны, накіраваныя на пашырэнне агульнай кампетэнцыі студэнтаў, павышэнні іх інтэлектуальнага ўзроўню.
