Прыборабудаўнічы факультэт вядзе падрыхтоўку спецыялістаў у сферы канструявання і вытворчасці механічных і электрамеханічных прыбораў і апаратаў, оптыка-электронных і лазерных прыбораў і сістэм, мікра- і нанасістэмнай тэхнікі, інфармацыйна-вымяральнай тэхнікі, біятэхнічных і медыцынскіх апаратаў і сістэм, тэхналогіі і абсталявання ювелірнай вытворчасці, тэхнічнага забеспячэння бяспекі, стандартызацыі, метралогіі і сертыфікацыі, а таксама эканомікі і арганізацыі вытворчасці ў прыборабудаванні.

  Пачатак падрыхтоўкі спецыялістаў прыборабудаўнічага напрамку было пакладзена ў 1961 годзе стварэннем кафедры «Прыборы дакладнай механікі». Развіццё аптычнай прамысловасці зрабіла неабходным адкрыццё ў 1976 годзе оптыка-механічнага факультэта. У сувязі з далейшым пашырэннем пераліку запатрабаваных прыборабудаўнічых спецыяльнасцяў ў 1978 годзе быў адкрыты інжынерна-фізічны факультэт. У 1984 оптыка-механічны і інжынерна-фізічны факультэты былі аб'яднаны ў адзін - інжынерна-фізічны, які ў наступным годзе быў перайменаваны ў прыборабудаўнічы факультэт.  У цяперашні час на факультэце навучаецца каля 1000 студэнтаў на дзённым аддзяленні і больш за 500 - на завочным. Падрыхтоўку спецыялістаў у галіне прыборабудавання ажыццяўляюць 7 кафедраў, з іх 5 спецыялізуецца па 10 спецыяльнасцях:

Кафедра «Канструяванне і вытворчасць прыбораў»

1-38 01 01 Механічныя і электрамеханічныя прыборы і апараты

1-38 02 02 Біятэхнічныя і медыцынскія апараты і сістэмы

1-52 02 01 Тэхналогія і абсталяванне ювелірнай вытворчасці

Кафедра «Стандартызацыя, метралогія і інфармацыйныя сістэмы»

1-54 01 01 Метралогія, стандартызацыя і сертыфікацыя

Кафедра «Лазерная тэхніка і тэхналогія»

1-38 01 02 Оптыка-электронныя і лазерныя прыборы і сістэмы

Кафедра «Інфармацыйна-вымяральная тэхніка і тэхналогіі»

1-38 02 01 Інфармацыйна-вымяральная тэхніка

1-38 02 03 Тэхнічнае забеспячэнне бяспекі

1-54 01 02 Метады і прыборы кантролю якасці і дыягностыкі стану аб'ектаў

Кафедра «Мікра- і нанатэхніка»

1-38 01 04 Мікра-і нанасістэмная тэхніка

1-41 01 01 Тэхналогія матэрыялаў і кампанентаў электроннай тэхнікі

А таксама на факультэце працуе дзве агульнаадукацыйныя кафедры: «Інжынерная матэматыка», «Эксперыментальная і тэарэтычная фізіка».

Дынамічнае развіццё прыборабудаўнічага факультэта абумоўлена яго магутным навукова-педагагічным патэнцыялам. На факультэце працуюць 130 выкладчыкаў, сярод якіх больш за 25 дактароў навук і прафесараў, у тым ліку 1 акадэмік і 2 члена-карэспандэнта Нацыянальнай акадэміі навук Беларусі, і 70 кандыдатаў навук, дацэнтаў. Комплекс навуковых даследаванняў праводзіцца на базе Навукова-даследчага цэнтра аптычных матэрыялаў і тэхналогій і двух навукова-даследчых лабараторый: «Паўправадніковай тэхнікі»  і «Оптыка-электроннага прыборабудавання» i  Галіновай лабараторыі інавацыйных прыбораў МЭМС-тэхналогій.

www.bntu.by/psf