Пасля стварэння Беларускага інстытута народнай гаспадаркі эканамічнае жыццё БДУ на некаторы час замерла. Аднак, у 1938 г. кафедру палітычнай эканоміі ўзначаліў прафесар А.І. Лур'е (1895-1948). Да 1940 кафедра аформілася як самастойная навучальная і навуковая адзінка. Пачалася падрыхтоўка аспірантаў па палітычнай эканоміі. Пасля вызвалення Мінска ад фашысцкіх войскаў у снежні 1944 г. БДУ пераехаў з Маскоўскай вобласці, дзе ён функцыянаваў падчас вайны, у г.Мінск.

  У канцы 1947 Міністэрства вышэйшай адукацыі СССР прадаставіла БДУ права прымаць да абароны дысертацыі на атрыманне вучонай ступені кандыдата эканамічных навук. У 1966 г. пры юрыдычным факультэце ў БДУ была адкрыта падрыхтоўка прафесійных палітэканомаў, востра неабходных Беларусі. У 1971 г. адбыўся першы выпуск 25 палітэканомаў з вышэйшай адукацыяй. У 1972 г. кафедра палітычнай эканоміі была падзелена на дзве: кафедру палітычнай эканоміі натуральных факультэтаў і кафедру палітычнай эканоміі гуманітарных факультэтаў.

  Кафедра палітычнай эканоміі гуманітарных факультэтаў курыравала навучальны працэс на аддзяленні палітычнай эканоміі, якое было пераведзена з юрыдычнага на гістарычны факультэт. У 1989 г. аддзяленне палітычнай эканоміі ўвайшло ў склад зноў створанага філасофска-эканамічнага факультэта. У 1991 г. кафедра палітычнай эканоміі гуманітарных факультэтаў была перайменавана ў кафедру эканамічных навук БДУ.

  Аддзяленне палітычнай эканоміі было пераназвана ў аддзяленне эканомікі. Адначасова ў складзе філасофска-эканамічнага факультэта адкрылася аддзяленне менеджменту.За 1966-1999 гг. аддзяленне палітычнай эканоміі падрыхтавала 869 спецыялістаў з вышэйшай эканамічнай адукацыяй: з іх 135 спецыялістаў для краін Еўропы, Азіі, Афрыкі і Лацінскай Амерыкі, 11 - для краін Балтыі, 49 - для краін СНД.

  Першага сакавіка 1999 г. рашэннем Вучонага Савета БДУ створаны эканамічны факультэт як самастойнае падраздзяленне Беларускага дзяржаўнага ўніверсітэта.

   Факультэт сёння

Абітурыенты паступаюць на пяць аддзяленняў: эканамічная тэорыя (спецыялізацыя «Эканамічная палітыка», кваліфікацыя «Эканаміст. Выкладчык эканамічных дысцыплін»), эканоміка (спецыялізацыя «Аналітычная эканоміка», кваліфікацыя «Эканаміст-аналітык»), фінансы і крэдыт (спецыялізацыя «Банкаўская справа», кваліфікацыя «Эканаміст»), менеджмент (спецыялізацыя «Міжнародны менеджмент», кваліфікацыя «Эканаміст-менеджэр») і эканамічная інфарматыка.Студэнты першыя тры гады незалежна ад спецыяльнасці вывучаюць эканамічную тэорыю (макра-, мікра-, агра-, міжнародную, рэгіянальную эканоміку) і фінансавую тэорыю (бухулік і аўдыт, карпаратыўныя фінансы, бізнес-планаванне, інвестыцыі), а таксама атрымліваюць інструментальную падрыхтоўку (матэматыка, інфарматыка, базы дадзеных, статыстыка, эканаметрыка, прыняцце рашэнняў, лагістыка). З дыпломам спецыяліста магчыма працягнуць вучобу і на працягу года (вочна) або паўтары гадоў (завочна) атрымаць дыплом магістра. Некаторыя аддаюць перавагу вучыцца па магістарскіх праграмах за мяжой - факультэт мае магчымасць накіроўваць у магістратуру ў многія еўрапейскія ўніверсітэты. Выпускнікі факультэта з дыпломам магістра могуць працягнуць вучобу ў аспірантуры, абараніць дысертацыю і тым самым папоўніць эліту нацыянальнай эканамічнай навукі. На факультэце існуе аспірантура па трох спецыяльнасцях: эканамічная тэорыя, эканоміка і кіраванне народнай гаспадаркай, матэматычныя і інструментальныя метады ў эканоміцы.

На сённяшні дзень на факультэце функцыянуюць наступныя кафедры:

«Кафедра аналітычнай эканомікі і эканаметрыкі»

Навуковыя напрамкі:

Тэорыя аптымальнага прыняцця рашэнняў у эканоміцы; 

Лікавыя метады ў эканоміцы; 

Экспертныя сістэмы аптымізацыі, класіфікацыі і рэйтынгу,

«Кафедра эканамічнай інфарматыкі»

Навуковыя напрамкі:

Развіццё інфармацыйнага грамадства ў Рэспубліке Беларусь; 

Развіццё ІТ-індустрыі ў Рэспубліке Беларусь; 

Уплыў рэінжынірынга бізнэс-працэсаў на стымуляванне інфармацыйна-інавацыйнай дзейнасці нацыянальных прадпрыемстваў Рэспублікі Беларусь,

«Кафедра тэарэтычнай і інстытуцыянальнай эканомікі»

Спецыяльнасць:

1–25 01 01 - Эканамічная тэорыя

Спецыялізацыі: 

Эканамічная палітыка; 

Гісторыя эканамічных вучэнняў; 

Эканоміка сусветнай гаспадаркі; 

Эканамічныя праблемы навукова-тэхнічнага развіцця,

«Кафедра эканамічнай тэорыі»

Напрамкі навуковых даследаванняў:

«Тэарэтычныя асновы павышэння эфектыўнасці нацыянальнай эканамічнай сістэмы ва ўмовах інавацыйнага развіцця»,

«Кафедра карпаратыўных фінансаў»

Спецыяльнасць:

1-25 01 04 - Фінансы і крэдыт,

«Кафедра банкаўскай эканомікі»

Спецыяльнасць:

1-25 01 04 - Фінансы і крэдыт,

«Кафедра міжнароднага менеджменту»,

«Кафедра інавацыйнага менеджменту»

Спецыяльнасць:

1-26 02 02-08 - Інавацыйны менеджмент,

Спецыялізацыя:

Інавацыйны і праектны менеджмент.