Гісторыя факультэта бярэ пачатак з 1 сакавіка 1999 года, калі ў адпаведнасці з рашэннем Вучонага Савета БДУ на базе філасофска-эканамічнага факультэта былі створаны эканамічны факультэт і факультэт філасофіі і сацыяльных навук. Разам з тым традыцыі навуковых даследаванняў і адукацыі ў сферы філасофска-гуманітарных ведаў закладваліся ў Белдзяржуніверсітэце з першых дзён яго існавання. Яшчэ ў 1921 годзе ў рамках факультэта грамадскіх навук была распачата падрыхтоўка студэнтаў па філасофіі, сацыялогіі і іншых гуманітарных дысцыплінах. З адкрыццём у 1947 аддзялення філасофіі на гістарычным факультэце гэта дзейнасць набыла больш сістэмны і арганізаваны характар. У 1989 годзе ў БДУ ствараецца філасофска-эканамічны факультэт, які ў 1999 годзе быў рэарганізаваны ў факультэт філасофіі і сацыяльных навук, які стаў сапраўды сістэмнай і прафесійнай асновай сацыяльна-гуманітарнай адукацыі ў галіне філасофіі, сацыялогіі, псіхалогіі і інфармацыі і камунікацыі. У пачатку XXI-га стагоддзя цікавасць да філасофіі, псіхалогіі, сацыялогіі, камунікацыі набыла ў моладзі ярка выражаны і акцэнтаваны характар, што падахвочвае факультэт да больш дынамічнай і эфектыўнай працы, абапіраючыся на склаўшыяся традыцыі і вопыт.

Кафедры факультэта ажыццяўляюць падрыхтоўку па наступных накірунках:

«Кафедра філасофіі і метадалогіі навукі»

Спецыяльнасць:

21 02 01 - Філасофія,

«Кафедра сацыялогіі»

Спецыялізацыі:

23 01 05 02 - Метадалогія і метады сацыялагічнага даследавання; 

23 01 05 03 - Сацыялогія кіравання,

«Кафедра псіхалогіі»

Спецыялізацыі:

23 01 04 02 - Сацыяльная псіхалогія;

23 01 04 07 - Медыцынская псіхалогія,

«Кафедра сацыяльнай камунікацыі»

Спецыяльнасць:

23 01 15 - Сацыяльныя камунікацыі,

«Кафедра філасофіі культуры»

Спецыялізацыі:

21 03 01-01 01 - Гісторыя філасофіі