Біялагічны факультэт - старэйшы факультэт універсітэта, яго аднагодак. У 2020 годзе факультэт, як і ўвесь універсітэт, адсвяткуе свой 110-гадовы юбілей. Нягледзячы на, ​гэтак шаноўны, ўзрост факультэт малады душой, адкрыты для ўкаранення новых падыходаў да навучання, гатовы падтрымаць ініцыятыву творчых і дзёрзкіх, граматных і перспектыўных маладых людзей.

За гады свайго існавання факультэт падрыхтаваў каля 15 тысяч спецыялістаў. Выпускнікі факультэта атрымліваюць глыбокія сучасныя прафесійныя веды, якія дазваляюць ім паспяхова працаваць як на педагагічнай ніве, так і рэалізоўваць сябе ў навуке ці іншых сферах дзейнасці. Праца многіх з іх адзначана высокімі дзяржаўнымі ўзнагародамі і ганаровымі званнямі.

 У цяперашні час біялагічны факультэт мае 6 кафедраў:

Кафедра «Заалогіі»;

Кафедра «Хіміі»;

Кафедра «Батанікі»;

Кафедра «Геаграфіі»;

Кафедра «Экалогіі і аховы прыроды»;

Кафедра «Анатоміі і фізіялогіі»

і ажыццяўляе падрыхтоўку па спецыяльнасцях:

1-31 01 01-02 - «Біялогія (навукова-педагагічная дзейнасць)»;

1-02 04 01 - «Біялогія. хімія»;

1-31 02 01-02 - «Геаграфія (навукова-педагагічная дзейнасць)»;

1-33 01 01 - «Біяэкалогія».

 Наяўнасць магістратуры і аспірантуры па біялагічных і педагагічных спецыяльнасцях дазваляе ажыццяўляць на факультэце шматузроўневую падрыхтоўку.

 Спецыяльнасці факультэта маюць высокі рэйтынг у выпускнікоў. Прыцягвае будучых студэнтаў магчымасць рэалізаваць свае веды пасля заканчэння ўніверсітэта на пасадах, якія патрабуюць эколага-біялагічнай адукацыі ў сістэме лясной, паляўнічай, рыбнай, воднай, камунальнай і энергетычных гаспадарак. А таксама на пасадах біёлага, бактэрыялогіі, лабаранта, біяхіміка; у якасці выкладчыка біялогіі, хіміі, экалогіі, геаграфіі; ў службе МНС, экалагічнай міліцыі; ва ўстановах аховы прыроды і запаведнай справы, камітэтах і інспекцыях прыродных рэсурсаў і аховы навакольнага асяроддзя; ў экалагічных і аналітычных лабараторыях прамысловасці і сельскай гаспадаркі розных формаў уласнасці. Важны і той факт, што ўсе выпускнікі факультэта маюць магчымасць атрымаць першае рабочае месца па размеркаванні.

 Біялагічны факультэт сёння - адзін з найбуйнейшых факультэтаў універсітэта, на дзённым і завочным аддзяленні якога на дадзены момант навучаецца каля тысячы студэнтаў. Навучальны працэс і навукова-даследчая работа ажыццяўляецца ў спецыялізаваных лабараторыях і кабінетах, якія маюць сучасныя прыборы і абсталяванне, кампутарную тэхніку.

 Для вывучэння прыродных працэсаў, расліннага і жывёльнага свету, ўздзеяння на іх гаспадарчай дзейнасці чалавека шырока выкарыстоўваюцца палявыя навуковыя стацыянары «Прыдзвінне», «Асвея», «Тыёста», Бярэзінскі біясферны запаведнік, нацыянальны парк «Браслаўскія азёры», заказнікі і помнікі прыроды рэспубліканскага і мясцовага значэння.

 На факультэце актыўна праводзіцца сумесная навукова-даследчая праца студэнтаў і выкладчыкаў па праблемнай тэматыцы кафедраў, працуюць студэнцкія навуковыя гурткі.  Студэнты з'яўляюцца выканаўцамі і сувыканаўцамі навуковых праектаў, маюць самастойныя і сумесныя з выкладчыкамі публікацыі, займаюць прызавыя месцы на Рэспубліканскіх аглядах навуковых студэнцкіх работ.

 Біёлагі прымаюць удзел, як у агульнаўніверсітэцкіх мерапрыемствах, так і ў мерапрыемствах праводзячахся на факультэце і ў інтэрнатах. Традыцыйна на факультэце праводзіцца Свята ўраджаю, Пасвячэнне ў студэнты, Дзень здароўя, Тыдзень факультэта і іншыя мерапрыемствы…

 Студэнты біялагічнага факультэта сябруюць са спортам, вядуць актыўны лад жыцця, прымаюць удзел у першынстве універсітэта, займаючы па многіх відах спорту прызавыя месцы.