ABITURIENT.BY

Гісторыя юрыдычнага факультэта пачынаецца з дня стварэння Беларускага дзяржаўнага ўніверсітэта.

 Ужо з 1921 года ў БДУ існаваў факультэт грамадскіх навук з аддзяленнем права.

 У 1925 годзе на базе гэтага аддзялення быў створаны факультэт права і гаспадаркі, які ў далейшым быў рэарганізаваны ў факультэт савецкага будаўніцтва і права.

 У 1931 г. гэты факультэт быў рэарганізаваны ў самастойны Інстытут савецкага будаўніцтва і права з непасрэдным падпарадкаваннем Цэнтральнаму Выканаўчаму Камітэту БССР.

 Праз год (у 1932) пад назвай Мінскі юрыдычны інстытут ён быў перададзены ў падпарадкаванне Міністэрства юстыцыі БССР.

 У 1954 г. Мінскі юрыдычны інстытут ліквідуецца, а на яго аснове ствараецца юрыдычны факультэт БДУ.

 Факультэт ўзначальвае доктар юрыдычных навук, прафесар Балашэнка Сяргей Аляксандравіч.

Навучаецца на факультэце больш за тры тысячы студэнтаў, магістрантаў і аспірантаў з усіх рэгіёнаў Беларусі і іншых краін. У складзе факультэта тры аддзяленні: правазнаўства, выпускнікам якога прысвойваецца кваліфікацыя «юрыст»; паліталогіі - кваліфікацыя «юрыст-палітолаг» і эканамічнага права - кваліфікацыя «юрыст з веданнем эканомікі».

   У працэсе навучання студэнты спецыялізуюцца па васьмі спецыялізацыях, якія прадугледжваюць паглыбленае вывучэнне асобных дысцыплін: арганізацыя і дзейнасць дзяржаўных органаў, гаспадарчае права, судова-пракурорска-следчая дзейнасць, адвакатура і натарыят, падатковае і банкаўскае права, параўнальнае правазнаўства, прававое забеспячэнне камерцыйнай дзейнасці, палітыка і дзяржаўнае кіраванне.

Практычныя навыкі студэнты набываюць на семінарскіх і практычных занятках, вучэбных і вытворчых практыках, у Юрыдычнай клініцы, дзе яны аказваюць бясплатныя юрыдычныя паслугі асобным катэгорыям грамадзян.

  На юрыдычным факультэце створаны ўсе ўмовы для вучэбнай, навуковай і творчай дзейнасці студэнтаў. Факультэт абсталяваны сучаснымі тэхнічнымі сродкамі навучання. Пры падрыхтоўцы да заняткаў, залікаў і іспытаў студэнты могуць атрымаць поўную інфармацыю па кожнай вучэбнай дысцыпліне на сайце факультэта. Фонд факультэцкай бібліятэкі налічвае 300 тысяч асобнікаў выданняў, у тым ліку унікальных. Штогод праводзяцца Дні факультэта. На базе музея правазнаўства працуе гісторыка-патрыятычны цэнтр «Памяць».

   Юрыдычны факультэт БДУ забяспечвае падрыхтоўку прафесіяналаў-юрыстаў, здольных паспяхова вырашаць пастаўленыя перад сучаснай дзяржавай і грамадствам задачы, працаваць як у сваёй краіне, так і за яе межамі. Выпускнікі факультэта ўносяць значны ўклад у развіццё ўсіх сфер грамадства, працуюць у прадстаўнічых і выканаўчых органах улады, судовай сістэме, праваахоўных органах, адвакатуры, на прадпрыемствах, займаюцца навуковай дзейнасцю. За сваю гісторыю юрыдычны факультэт даў пуцёўку ў жыццё многім пакаленням лепшых юрыстаў краіны. Юрыдычны факультэт БДУ - гэта прэстыж, творчасць, перспектыва, лепшыя выкладчыкі і студэнты, упэўнены погляд у будучыню з вышыні фундаментальных ведаў.

На юрыдычным факультэце - 11 кафедраў:

«Кафедра крыміналістыкі»

Навуковыя напрамкі:

Агульнатэарэтычныя і практычныя праблемы тактыкі, стратэгіі і методыкі расследавання і прафілактыкі злачынстваў;

Спіс дысцыплін, замацаваных за кафедрай:

Правазнаўства;

Эканамічнае права;

Паліталогія,

«Кафедра экалагічнага і аграрнага права»

Навуковыя напрамкі:

Даследаванне агульнатэарэтычных і практычных праблем у галіне экалагічнага, зямельнага і аграрнага права, прававога забеспячэння экалагічнай і харчовай бяспекі, удасканалення заканадаўства аб ахове навакольнага асяроддзя і рацыянальнага выкарыстання прыродных рэсурсаў;

Навуковыя даследаванні па спецыяльнасцях

Зямельнае права;

Прыродарэсурснае права;

Аграрнае права;

Экалагічнае права,

«Кафедра канстытуцыйнага права»

Навуковыя напрамкі:

Гісторыя ўзнікнення і развіцця дзяржаўнай і нацыянальнай прававой сістэмы Рэспублікі Беларусь,

«Кафедра крымінальнага працэсу і пракурорскага нагляду»

Навуковыя напрамкі:

Праблемы тэорыі і практыкі правасуддзя па крымінальных справах і дзейнасці крымінальнай юстыцыі,

«Кафедра грамадзянскага працэсу і працоўнага права»

Навуковы напрамак:

Прававое забеспячэнне інавацыйнага развіцця эканомікі Рэспублікі Беларусь,

«Кафедра грамадзянскага права»

Навуковыя напрамкі:

Праблемы прававога рэгулявання маёмасных і немаёмасных адносін з удзелам грамадзян і юрыдычных асоб,

«Кафедра крымінальнага права»

Навуковыя напрамкі:

Агульнатэарэтычныя і метадалагічныя праблемы рэалізацыі крымінальнай адказнасці, эфектыўнасці крымінальнага і крымінальна-выканаўчага заканадаўства і яго рэфармавання,

«Кафедра тэорыі і гісторыі дзяржавы і права»

Навуковыя напрамкі:

Агульнатэарэтычныя праблемы праваразумення і функцыянавання дзяржавы, прававой і палітычнай сістэмы грамадствам;

Удасканаленне заканадаўства ва ўмовах фарміравання сацыяльнай прававой дзяржавы і грамадзянскай супольнасці;

Гісторыя беларускай дзяржаўнасці і нацыянальнай прававой сістэмы,

«Кафедра паліталогіі»

Навуковыя напрамкі:

Тэорыя, гісторыя і метадалогія палітычнай навукі;

Палітычныя працэсы і інстытуты;

Палітычныя праблемы міжнародных сістэм,

«Кафедра фінансавага права і прававога рэгулявання гаспадарчай дзейнасці»

Навуковыя напрамкі:

Распрацоўка тэарэтычных і практычных праблем прымянення фінансавага заканадаўства; Распрацоўка тэарэтычных і практычных праблем прымянення заканадаўства, рэгулюючага гаспадарчую дзейнасць у Рэспубліцы Беларусь,

«Кафедра дзяржаўнага кіравання»

Навуковыя напрамкі:

Інфармацыйнае права;

Адміністрацыйнае права, адміністрацыйны працэс;

Міжнароднае права.

TRANSLATE with x

English

Arabic	Hebrew	Polish
Bulgarian	Hindi	Portuguese
Catalan	Hmong Daw	Romanian
Chinese Simplified	Hungarian	Russian
Chinese Traditional	Indonesian	Slovak
Czech	Italian	Slovenian
Danish	Japanese	Spanish
Dutch	Klingon	Swedish
English	Korean	Thai
Estonian	Latvian	Turkish
Finnish	Lithuanian	Ukrainian
French	Malay	Urdu
German	Maltese	Vietnamese
Greek	Norwegian	Welsh
Haitian Creole	Persian

TRANSLATE with

COPY THE URL BELOW

Back

EMBED THE SNIPPET BELOW IN YOUR SITE

Enable collaborative features and customize widget: Bing Webmaster Portal

Back